Byggingarnar
Í öllum þremur íbúðarhúsum samtakanna eru þriggja og tveggja herbergja íbúðir og stofuíbúðir (studio).
Húsin að Kópavogsbraut 1A og 1B eru byggð samkvæmt sömu teikningum og eru bæði 5 hæða með 40 íbúðum. Hver bygging er í raun 2 hús með rúmgóðum og björtum tengigangi á milli og eru 4 íbúðir í hvoru húsi, 8 íbúðir á hæð. Við hverjar 4 íbúðir er sameiginleg geymsla.
Á efstu hæð Kópavogsbrautar 1A er samkomusalur fyrir íbúa með útsýni til allra átta og á jarðhæð er svokölluð testofa, sem er björt og góð setustofa. Þar er einnig baðaðstaða, þvottahús og geymslur.

Kópavogsbraut 1A og 1B

Á efstu hæð Kópavogsbrautar 1B er björt og góð setustofa með útsýni til allra átta, en á neðstu hæð hússins er samkomusalur íbúanna.